Ghazlon mein tere ishq ka churcha na karen gey
Hum tujh ko yuon sar-e-aam ruswa na karen gey!
Kiyon hum peh uthaeen sang-e-malamat ki fasilein
Behtar hai tere shehar mein hum aaya na karen gey!
Yeh chaand yeh taary yeh haseen raat ka aalam
Munsoob tere naam se kya kya na karen gey!
Wiraan hoey qasr-e-tamana ke dareechy
Aabaad kabhi pyar ki ab duniya na karen gey!
Har cheez ki bohtaat mein nuqsaan bohat hai
Shiddat se kisi shakhs ko chaha na karen gey…!
..........::Mr. Jitesh Attry::..........
Comments
Post a Comment